便當小編實測入境加拿大
-
https://www.instagram.com/hkcaowpinfo/
有好多嘅朋友都DM我地想知入境係點樣，所以便當小編都紀錄返當日入境嘅過程比大家。希望大家都可以快D入到境，如果有咩想問都歡迎DM我地🙆🏻♀️🙆🏻♀️未來都會出返到步後嘅資訊比大家，大家可以繼續留意我地嘅專頁。
小編係七月中去多倫多，於六月頭訂購，票價大概係HKD$8300，包兩件23KG嘅寄艙行李，直航嚟講我覺得算係咁啦正常價。聽講未來兩個月去加拿大嘅機位都非常full，大家可以繼續留意住D票價🤔
1️⃣Check in上機
我自己就早左三個鐘到機場，當日我去到排加航條隊其實唔係太長，只係等左15分鐘就得到我。
🔰呢個係我準備嘅文件list:
HKSAR Passport
大專/大學transcript
大專/大學畢業證書
Job offer letter
Exemption letter
POE
WES學歷認證
疫苗證明
72小時內武肺Test結果
ArriveCan Receipt
🔰最後係地勤淨係check左:
HKSAR Passport
POE
疫苗證明
Exemption letter
72小時內武肺Test結果
基本上地勤淨係望一望份Exemption letter就OK，冇問到我拎job offer嚟睇，過程真係好順暢，印象中10分鐘都搞掂曬。自己淨係帶左兩件行李寄艙，兩件都冇超到23KG，所以都唔洗加錢。當我搞掂Check in拎左機票之後，加航條隊開始先人多😱所以記得早D去機場Check in啦
入左禁區之後，一間免稅店都冇開，所以有食煙/飲酒需求就自己係香港買定啦🙈🙈之前好多人都見到係登機閘口會有好多便衣鬼鬼祟祟咁mon住d人，咁我當日就好好彩係上機位置都唔太見到有便衣，可能去左蛇王啦😂😂
2️⃣係飛機上面
小編今次坐嘅機係787-9嘅Econ，香港飛多倫多大概係十五個鐘。基本上架機都差唔多都幾多人，係左右排嘅位置中間都會隔一個空位，所以我同隔離位都拎左中間個位嚟放野😂😂，而有空位咁樣嘅算係可以做到同其他人保持到距離。機上全部人都有戴到口罩，但係每次食野都係全機除口罩一齊食野，所以其實都有一定風險，所以大家都要注意安全呀。小編係一個好憎坐飛機嘅人，係飛機上面其實唔係太瞓到，飲左幾支白酒都隊唔醉自己迫自己瞓教，真係好辛苦😫真係好憎坐咁耐飛機，如果疫情完左真係會選擇轉機而唔係直航啦😎。另外一提，機上可以買Wifi，但只係飛到加拿大境內部分地方先會收到，好似係CAD20，值唔值就自己決定啦🙈🙈臨降落之前空姐會派入境申報表(Declaration card)，入但境個陣部機係會搞埋，唔洗急住填。
3️⃣入境加拿大
小編係下午5點降落，夜晚9點先出到機場。落機嘅時間D staff叫左轉機啲人落機先，其他人等叫再落機，所以大家唔洗太急慢慢落機就OK，唔好衝去落機塞住曬。當落機入到機場先知真係出事，非 常 多 人!!!
🔰第一步 係自助入境機。有中文揀嘅所以英文唔好嘅朋友都唔洗太擔心。都係填下D基本資料影個相申報帶左D咩咁就完成，同埋記得keep實張receipt呀
🔰第二步 係過海關。前面條友可能護照有問題，我一直都等左好耐，好彩隔離隊嘅關員比我去佢條隊過關。佢淨係望左我護照，ArriveCan個編號，POE同埋Exemption letter就OK左，淨係問左我邊到嚟，係咪打左兩針，係多倫多住邊到，有冇帶煙/酒/幾多Cash就過到關。
🔰第三步 去移民局換工作簽證。係過左關之後轉右就係移民局。入面條隊超級長，排左差唔多一個半鐘先到，去到見Officer嘅時間比左護照，POE，Job offer同Exemption letter。本身淨係見到Job offer都會問都比較多問題，例如問左返工返咩架、份工點樣搵同埋點解8月返工會咁早到步咁，咁我之後直接比左Exemption letter，佢睇一睇封信就直接批左份有限期三年嘅OWP我啦。
🔰第四步 拎行李加檢查。由於都搞左三個幾鐘，出面D行李帶停曬，而行李資訊版都冇show到邊條行李帶係邊班航班，所以都要花時間搵返D行李，之後過閘口拎返自助入境機張receipt就OK比閘口個Officer就OK。
🔰第五步 驗武漢肺炎
YYZ嘅covid test公司係Switch Heath，比較麻煩嘅位係要當地電話號碼登記，所以冇電話號碼嘅朋友可以試下搵當地fd借號碼用，或者買Fongo一個號碼嚟用住先都OK。咁佢登記完就要去另一邊撩鼻，全程都需要用到passport，記得唔好收埋。
🔰小貼士
成個入境過程大概用左四個鐘，咁我出到機場都係朋友車我走。由於打左兩針，所以都唔需要隔離、係第八日做Test同埋每日update身體狀況。係機場入面真係好焗冇冷氣咁，空氣極唔流通，又唔太敢飲水，所以都要有心理準備幾辛苦下🙏🙏
另外，係拎到OWP個陣記得Check下Expiry Date夠唔夠三年，Officer有機會出錯，有出錯記得同佢講返要改。之後出入境都要拎住OWP正本入境，所以大家要Keep好呀。同埋就係Exemption letter真係皇牌嚟，如果有Exemption letter就直接出示，基本望一望就OK，出Job offer反而會問多D有關你工作嘅問題。
