成功租屋經驗分享

[加登打手鮭魚便當]

source: Tony The IT獒 @LifeIsAConstantProcessOfDying

前後用左個幾星期、睇左兩日屋十幾個單位、落過四次 offer，最後租到 north York 兩房condo，二千六蚊全包。

係我地搵屋其間 downtown以至 midtown eglinton 嘅租務市場都異常火熱。優質盤只會係系統出現兩日左右，等賣方收到足夠 offer，就會租出。

我地係跟左間經紀公司幫我地去處理租約同睇樓嘅事務。費用會直接係成功租到之後嘅第一期租金扣取。作為租客一蚊都唔洗直接比。

傳統流程係經紀先由MLS 選出初步符合租客需要嘅盤。租客揀好要睇樓嘅單位，再由經紀約時間睇樓。睇好左，經紀會整合買方賣方嘅附加條款，落去標準租約。等租客用電子簽名落實，成為正式嘅 offer send 比業主。視乎 offer 所定嘅時間，業主有一段時間可以考慮。最後先會拒絕或接受。整個流程大約五日到一星期。

由於市場過份活躍，傳統流程幾乎難以租到優質樓盤。可以有幾個方法解決。首先租客可以親自睇 https://housesigma.com/ 依個系統同 MLS 打通左，租客可以自己上去搵盤。其次如果已知一啲大廈嘅概況，可能可以跳過睇樓過程。直接落 offer。最後只要落多幾次 offer 就會架輕就熟，快手完成。

我嘅經驗無論 downtown midtown uptown ，兩房condo 都係大約二千四蚊至二千六蚊上下，睇包啲乜。三房大約三千六左右，人均平少少。三地分別係單位大細、係咪所有房都有窗嘅分別。

另外 north York 有唔少 house 較長時間未有租出。適合三人合租，租金可能仲平過三房 condo。呎數極大，但係地點未必咁就腳。

我地冇睇 basement, share room 嘅情況。

搶 offer 嘅方法就會搵唔同嘅方法去支持自己係優惠租客。我地比左我地係香港嘅卡片、前公司嘅 reference check、預付四個月租、owp同證件，去搶 offer。我地都試過用預付十二個月租來搶，但最後唔好彩唔夠搶。